паналау ғимараттарындағы ауа тығыздығы

(Плотность воздуха в убежище)

қарсыластың қазіргі заманғы жаппай қырып-жою құралдарын (ядролық, химиялық, бактериологиялық) қолдануы салдарынан ауаға радиоактивті шаңның бөлшектері, улағыш заттардың буы және бактериялық құралдар аэрозольдарының түсуі мүмкін. Олардың паналау ғимараттары ішіне түсуін болдырмау үшін паналау ғимараттары ауа кірмейтіндей етіп бітеледі және сүзгі-желдеткіш арқылы ауа тазартылып отырады. Алайда паналау ғимараттарының құрылысында жоғарыда аталған заттар кіретіндей саңлау-тесіктер болуы мүмкін. Бұған жол бермеу үшін желдеткіштерді пайдалану жүйесі паналау ғимараттарындағы ауа қысымы атосфералық қысымнан 5—10 кг/м2 көп болатындай етіп реттеліп қойылады. Осындай айырмашылық есебінен П.ғ.а.т-н сүзгі режімі кезінде 5 кгс/м2, ал регенерация режімі кезінде 2 кгс/м2 деңгейінде ұстау көзделеді. Мұндай П.ғ.а.т. паналау ғимаратына сыртқы ауа мен радиоактивті шаңның, улағыш заттардың булары мен бактериялық аэрозольдардың енуіне жол бермейді. П.ғ.а.т-ын өлшеу үшін сұйықтық, ауа және электрмеханикалық қысым өлшегіштер қолданылады.